Ի՞նչ է Ռոբոտաշինությունը

Ռոբոտաշինությունը ռոբոտներ կառուցելու և ծրագրավորելու գործընթաց է, որի ընթացքում մարզվում է՝ 

• ալգորիթմական մտածողությունը
• ինժեներական միտքը
• աչքի/ձեռքի համակարգումը
• համառությունն ու համբերատարությունը
• խնդիրներ լուծելու հմտությունները 

Բոլոր ծնողները կփաստեն, որ երբ ցանկանում են ընտրել, որտեղ այցելել ռոբոտաշինության դասընթացների բախվում են անհասկանալի շատ և խճճված տեղեկատվության հետ։ Այդ պատճառով հիմա կներկայացնենք, թե որ դեպքում է դասընթացը համարվում իրական ռոբոտաշինության դասընթաց։ Նախ պետք է հասկանալ ինչ ռոբոտներ են կառուցվելու և թե ինչպես են դրանք կառավարվելու։

 Կոնստրուկտորը համարվում է ռոբոտ միայն ու միայն այն ժամանակ, երբ կառուցվում և ծրագրավորվում է ուսանողի կողմից։ 6-14 տարեկան երեխաների շրջանակում առավել տարածված են ուսումնական տեսակի ռոբոտները, երբ երեխաներն ուսումնասիրում են ֆիզիկան, ինժեներությունը և մի շարք բնական երևույթներ։ Ռոբոտաշինության դասընթացները անցկացվում են նախագծային ձևաչափով։ Կրթության այս կոնցեպտը խրախուսում է երեխաներին զարգացնելու իրենց գիտելիքները՝ դիտելու, ենթադրելու, փորձելու, չափելու, եզրակացություններ անելու միջոցով։ Համաձայն Դանիայի Ճարտարագիտության Ազգային Ակադեմիայի և Հետազոտությունների Ազգային Խորհրդի կան վեց մտքի սովորություններ, որոնք կարևոր են գիտության և ճարտարագիտության աճի համար.

1.  Համակարգային մտածողություն
2. Ստեղծագործ միտք 
3. Լավատեսություն
4. Համագործակցություն
5. Հաղորդակցություն 
6. Էթիկական նկատառումներ

 Ռոբոտաշինության դասընթացներ կազմակերպող յուրաքանչյուր ուսումնական կենտրոն պետք է կարողանա զարգացնել այս հմտությունները, քանի որ գիտական մասից զատ սրանք ամենակարևոր հմտություններն են, որոնք երեխան պետք է սովորի նախագծային ձևաչափում սովորելու դեպքում։ Որքան որակյալ են այս հմտությունները զարգացած երեխայի մոտ, այնքան ավելի հեշտ է երեխան ինտեգրվում դասապրոցեսում և ավելի հետաքրքրված է դառնում գիտության, ճարտարագիտության և տեխնոլոգիաների հանդեպ։