Arduino

Այս դասընթացը նախատեսված է երեխաների համար, ովքեր ցանկանում են սովորել էլեկտրոնիկայի և ծրագրավորման հիմունքները՝ կիրառելով Arduino միկրոկառավարիչ։ Դասերի ընթացքում երեխաները կսովորեն, թե ինչպես են աշխատում էլեկտրական շղթաները, ինչ են լարումը, հոսանքը և դիմադրությունը։ Նրանք կիրականացնեն պարզ նախագծեր՝ լույսեր, կոճակներ, սենսորներ, շարժիչներ և էկրաններ կիրառելով։ Դասընթացը համատեղում է տեսական գիտելիքն ու գործնական աշխատանքը՝ յուրաքանչյուր երեխա կծրագրավորի իր առաջին իրական սարքը։ Մեծ ուշադրություն է դարձվում տրամաբանական մտածողության, թիմային աշխատանքի և տեխնիկական գրագիտության զարգացման վրա։ Յուրաքանչյուր նոր թեմա բացատրվում է օրինակներով և խաղային ձևով, որպեսզի սովորելու ընթացքը լինի զվարճալի և ներգրավող։ Դասընթացի ընթացքում կօգտագործվեն ինչպես իրական Arduino տպասալեր, այնպես էլ Tinkercad վիրտուալ հարթակը։ Ամեն դաս ավարտվում է փոքրիկ նախագծով, որը թույլ է տալիս կիրառել նոր սովորածը։ Դասընթացի վերջում երեխաները կունենան իրենց ստեղծած մի քանի աշխատող նախագիծ՝ խելացի լույսերից մինչև պարզ հաշվիչ։ Սա հրաշալի սկիզբ է նրանց համար, ովքեր ցանկանում են մի օր դառնալ ինժեներ, գյուտարար կամ ծրագրավորող։

• Ինչ է հոսանքը, լարումը և դիմադրությունը՝ շղթաների հիմունքներ
• Ինչպես աշխատում են էլեկտրական տարրերը՝ լամպեր, կոճակներ, սենսորներ, շարժիչներ
• Ծանոթություն Arduino տպասալերին և միկրոկառավարիչի սկզբունքին
• Ծրագրավորում Arduino IDE միջավայրում՝ օգտագործելով հիմնական հրամաններ
• Ինչպես գրել պարզ կոդեր լույսերի, ձայների, սենսորների և էկրանների կառավարման համար
• Ինչպես չափել տվյալներ սենսորների միջոցով և արտացոլել դրանք էկրանին կամ Serial Monitor-ում
• Ինչ է ցիկլը (for loop),պայմանը (if),և ինչպես են դրանք կիրառվում նախագծերում
• Ինչպես աշխատել LCD էկրանների, Keypad-ի և սերվոշարժիչների հետ
• Ինչպես կառուցել իրական նախագծեր՝ խաղեր, ավտոմատ դռան փականներ, խելացի տուն
• Ինչպես մտածել ինժեների պես՝ վերլուծել խնդիրները, նախագծել լուծում, փորձարկել ու կատարելագործել